رواية البر التاني الفصل الخامس والأربعون 45 بقلم لولو محمد
رواية البر التاني الجزء الخامس والأربعون
رواية البر التاني البارت الخامس والأربعون
رواية البر التاني الحلقة الخامسة والأربعون
خديجه / غصب عنى يا هند ما تضغطيش عليا لو سمحتى
هند / هم بيضغطوا عليكي فى البيت هم اللى عاوزين الجوازه تبوظ ؟
خديجه / لا دا كان قرارى انا و ارجوكى يا هند كفايا بقي
هند / طب فكرى تانى
خديجه / انتى عامله ايه و معادك مع الدكتوره امتى
هند / تمام فهمت
خديجه / انتى غاليه عندى يا هند و كلكوا غالين و ما كنتش اتمنى ابدا ان الامور توصل للمرحله دى
هند / ان شاء الله كل حاجه ترجع زى ما كانت
خديجه / ان شاء الله هستاذنك عشان ورايا حاجات فى البيت عاوزه اعملها
هند / تمام … مع السلامه
خديجه تقفل و تبتسم و تقوم تفتح الباب و تنزل تحت
……………………
فى فيلا فيرا
مغاورى قاعد مع فيرا فى المكتب
فيرا / يوم الخميس يناسبك ؟
مغاورى / يناسبني هتطلعى كميه قد ايه ؟
فيرا / عشر صناديق كل صندوق وزنه عشره كيلو
مغاورى / مش كتير دول ؟
فيرا / انتوا مش بتقولوا ان سرقت اسرق جمل
مغاورى / و السلاح ؟
فيرا / كل السلاح اللى انت طلبته بنفس المواصفات و الكميه
مغاورى / تمام هبعتلك الموقع بكره لما اجهز كل حاجه و اشوف الرجاله
فيرا / مفيش مشكله خد وقتك
مغاورى يقوم يقف
فيرا / انت لسه ما شربتش الشاى بتاعك
مغاورى / كتر خيرك مره تانيه
فيرا / سمعت اللى حصل مع عباده
مغاورى / اسمعى يا بنت الناس اللى بينا و بينك شغل انما الحاجات العائليه ما لكيش دخل بيها
فيرا / خلاص خلاص انا بس كنت اقصد ان الحمد لله ما عدش في صله بينكوا تشفعلهم فكنت بفكرك بطلبى
مغاورى / انا هستلم السلاح و اطلعلك الحاجه بتاعتك اكتر من كدا ما لكيش عندى حاجه و مش عاوز منك حاجه
فيرا / انت شايف كدا ؟
مغاورى / ما تخلينيش اقولك يلعن الشغل على اللى عاوزين يشتغلوه بقي
فيرا / خلاص خلاص ما كنتش اعرف انك عصبى اوى كدا
مغاورى / انا عصبى
فيرا تحط ايديها على صدره و تقرب و تبص فى عنيه و تتكلم برقه
فيرا / خلاص .. حقك عليا
مغاورى يشد ايدها بعنف و يسيبها و يمشي و هى بتضحك
…………………….
فى سرايا الزنايته تانى يوم
الرجاله متجمعه فى المكتب و مختار ماسك خريطه و بيشاور
مختار / لو دخلنا البضاعه عن طريق مطروح من ليبيا و مشينا بيها فى الصحره
عباده / دى مسافه كبيره اوى و ما تضمنش الطريق
شاكر / صعب تامن كل السكه يا مختار و السواقين و الرجاله مش هيستحملوا
ناصر / يبقي الحاجه تفضل فى مطروح و ننقلها خفافى خفافى
مختار / احنا لينا مخازن فى اسكندريه ممكن نقسم الحاجه بين مطروح و اسكندريه
عباده / طب ما ندخل الحاجه من السودان اقرب
مختار / كل السكك القديمه ما عدتش امان لازم ندور على سكك جديده بعيد عن عنين الكل خصوصا الجوارحه
عباده / بس كدا الشغل اللى كان هيخلص فى يوم هيخلص فى شهر
امين / و هياخد رجاله اكتر و مصاريف ددطططمختار / مفيش حل تانى قدامى اللى قدامه حل يتفضل
شاطر ض/ واد يا عباده فاكر الفيلم الاجنبى اللى كانوا حاطين مرايات فى العربيات الكونتاينر
عباده / انهى ده
شاكر / لما كانوا مخبيبن الحاجه فى العربيه من جوه و سادينها
عباده / بس دى كانت صناديق صغيره
ناصر / نفككها و نخليها حتت صغيره و نجمعها هنا
عباده / كدا الشهر بقى سنه
مختار / و اللى يخلصلك الحوار ده فى اقل من اسبوع
عباده / ازاى يعني
مختار / هقولكوا الاول هنجيب الحاجه من مطروح زى ما قولنا و بعد كدا نحطها فى المخزن بتاعنا و هناك الرجاله يفكوها و ….
……………………
فى الصحرا يوم الخميس
مغاورى واقف و فى رجاله بتنقل صناديق من عربيه لعربيه و كل شويه يبص فى الساعه
مغاورى / طولتوا اوى فى ايه يا رجاله
راجل / خلصنا يا كبير
مغاورى / يلا
الرجاله يركبوا العربيات و يمشوا و عربيه فيرا تمشي فى الصحرا كتير تليفون السواق يرن
السواق / يس … وى جست كروست ذا بوردر … ون اور تيل ( ايوه .. عدينا الحدود .. قدامنا ساعه و ..)
فجاه العربيه تنفجر و بعيد فى وسط الصحرا شاب ملثم عنيه زرقا قاعد على ركبته و شايل ار بى جى على كتفه يقوم يقف و يمشي شويه لحد عربيه يركبها و يمشي
……………………….
فى فيلا فيرا
فيرا نايمه فى جاكوزى و بتشرب كاس يدخل راجل تشاورله يستنى و تشرب حبه و تحط الكاسه مكانها و تشاورله يطلع بره يطلع تتنهد و تقوم تلبس البرنص و الكاس فى ايدها و تروح تمسك التليفون و تتصل بحد
فيرا / اى نيد يور هيلب ( محتاجه مساعدتك )
…………………..
فى سرايا الجوارحه
مغاورى داخل يلاقي عباس خارج
مغاورى / انت بتعمل ايه هنا
عباس / باخد هدومى
مغاورى / و انت كل ده ما كنتش اخدتها
عباس / بقولك ايه يا مغاورى خليك محضر خير انا كل اللى ليا فى البيت ده
مغاورى / انت صحيح ابن عمتى و جوز اختى بس كلنا جبنا اخرنا منك
عباس / و هى اول مره يعني اشمعن المرادى اللى عملتوا عشانها كل ده و لا عشان فتنا على سى عباده
مغاورى / كدا كدا الجوازه دى ما كانتش هتتم و انت عارف انها مساله وقت مش اكتر
عباس / امال ايه بقي ايه اللى جد
مغاورى / نورت يا عباس بالاذن عشان انا راجع تعبان
عباس / كان فى طلعه النهرده و لا ايه مش عوايدك ترجع متاخر اوى كدا
مغاورى / تصبح على خير يا عباس
مغاورى يسيب عباس و يطلع فوق عباس يمشي و يبص لفوق يلاقي ماجده باصه من الشباك يشاورلها و يركب العربيه و يمشي و ماجده متابعاه من فوق باب اوضتها يخبط تروح تفتح تلاقي مغاورى
ماجده / كان بياخد غيار نضيف و يشوف العيال
مغاورى / كنت فاكر انك هتاخدى العيال و تروحى تعيشي مع عباس
ماجده تبص فى الارض
مغاورى / غيرتى رايك و لا هو اللى ما رضيش ياخدكوا
ماجده / هيرتب مكان لينا هو دلوقت قاعد فى المكتب و مش هينفع ياخدنا دلوقت
مغاورى يمسك دقن ماجده و يخليها تبصله
مغاورى / تاكلى شوكلاته كنت جايبها للبت خديجه بس انتى اولى بيها
مغاورى يطلع شكولاته من جيبه و يديها لماجده
مغاورى / ابقي اجيبلها غيرها
ماجده / خليهالها انا عامله رجيم
مغاورى / يا شيخه بلا رجيم بلا كلام فاضي هو انتى فيكي حاجه كلى و ربربى و سيبك من الهبل ده انتى حلوه فى كل حالاتك
ماجده / هات
ماجده تاخدها و تاكلها مغاورى يبص جوه
مغاورى / العيال نايمين
ماجده / من بدرى
مغاورى / طب ما تيجي تقعدى معايا نتفرج على فيلم و لا حاجه
ماجده / شكلك راجع تعبان خليها وقت تانى
مغاورى / الحق يتقال و جعان و ما فيش غيرك صاحى دلوقت ما تخلى عندك دم و تعمليلى لقمه حلوه من ايديكى
ماجده / من عنيا
ماجده تروح تجيب طرحه و تحطها على راسها و تنزل و مغاورى ينزل وراها
…………………
فى اوضه هند
مختار واقف بيتكلم فى التليفون
مختار / والله كان نفسي استقبلك بنفسي بس للاسف انت عارف الظروف
شاب / عارف عارف المهم طمنى على الارنب بتاعى عامل ايه خلف و لا لسه
مختار / ما تبقاش طماع دا احنا حتى هنطبخهولك على ملوخيه خضره
شاب / عشان غلاوتك انت بس
مختار / المهم انا هبقي على اتصال بيك طول الوقت
الشاب / مفيش داعى انا وقت اللزوم هكلمك
مختار / بس بسرعه قبل الاكل ما يبرد
الشاب / ما تقلقش
مختار / حبيبي … اسيبك بقي عشان زمانك تعبان و محتاج ترتاح
الشاب /سلام
مختار يقفل و يبص على هند نايمه يروح ياخدها فى حضنه تلف و تحط راسها فى حضنه يعدل الغطا عليها و يناموا
……………………
فى مطبخ الجوارحه
مغاورى قاعد قدامه صينيه فيها فطير و عسل و جبنه و بيض عيون
مغاورى / انا ان ما كانش الفطير يغرق ايدي سمنه كدا ما اعترفش بيه … تسلم ايدك الصراحه
ماجده / الف هنا احمرلك بطاطستين
مغاورى / لا كدا رضا اوى تعالى انتى بس كلى معايا و افتحى نفسي
ماجده / لا ما هو مش عشان اخدت الشيكولاتايه هبوظ باقي اليوم ان ما كانش عشان الرجيم يبقي عشان الكولسترول
مغاورى / ادى اللى خدناه من خديجه و علامها يا بت سيبك من الكلام ده ما طول عمرنا بناكل و ما بيحصلناش حاجه
ماجده / خلاص بقي يا مغاورى انا لو جعانه هاكل
مغاورى / براحتك اللى ياكل على درسه … اعملى شاى اعملى شاى
ماجده / عنيا حاضر
مغاورى / هو عباس هنا بقاله قد ايه
ماجده / ما طولش زى ما قولت يادوب غير هدمته و بص على العيال و مشي
مغاورى / واطى من يومه … ما سالش علينا ؟
ماجده / لا واخد على خاطره منكوا
مغاورى / له حق والله !!
ماجده تبص فى الارض
مغاورى / انتى عوزاه يرجع ؟
ماجده / اللى تشوفوه
مغاورى/ انتى انتى … انتى عاوزه ايه ؟
ماجده تبص لمغاورى و تبتسم و تبص فى الارض
مغاورى / عوزاه يرجع ؟
ماجده / يرجع … يرجع لعياله … ليرجع لامه … لاخواته و اهله
مغاورى/ و انتى ؟
ماجده تبص لمغاورى و تبتسم
ماجده / مفتكرش ان عمره هيرجعلى يا مغاورى مهما اعمل عمره ما هيرجع
مغاورى يغمس لقمه كبيره مليانه عسل و يحطها ناحيه بق ماجده
مغاورى / ما دام مهما تعملى عمره ما هيرجع يبقي تبطلى تحاولى
ماجده / ما انا بطلت من زمان
مغاورى / امال كل ده بتعمليه لمين الرجيم و الشعر و الحاجات دى كلها لمين
ماجده / لنفسي هو عشان هو مش شايفني و لا عاوزنى ادفن نفسي يعني اللبس و ادلع روحى انا حلوه و صغيره و الف من يتمنانى ان كان هو مش عارف قيمتي ان كانت الدنيا كلها مش عارفه قيمتي انا عرفاها
مغاورى يبتسم
ماجده / انا رميت طوبه عباس من زمان بس ما رميتش طوبه نفسي و على راي امى عدنه مات و لا مسافر انا لسه عايشه
مغاورى / يديكى طوله العمر
ماجده / انا ما بعملش ده عشانه انا ما بعملش ده عشان حد انا بحب نفسي و بحب ادلعها
مغاورى / و بيليق عليكي الدلع على فكره
ماجده تبصله بطرف عينها
مغاورى / طب والله بتكلم جد هو اللى فقرى طب تصدقى و تؤمنى بايه
ماجده / لا اله الا الله
مغاورى/ انا لو مراتى ما عملتليش اللى انتى بتعمليه ده و دلعتنى كدا انا هطلقها
ماجده / و انا كل ما اقول كبر و عقل
مغاورى / كبير و سيد العاقلين يا بت هو اكمنى باخد و بدى معاكى فى الكلام و لا ايه دا انا اخد شكولاتى وقتى
ماجده / اتاكلت خلاص
مغاورى / الف هنا
ماجده / انت شكلك فايق و رايق خير
مغاورى / والله كنت جاى تعبان بس القاعده معاكى نستنى الدنيا يخليكي ليا يا ست الكل … الحمد لله شبعت
ماجده / الف هنا يلا اطلع ارتاح و انا هشطب هنا و اطلع وراك
مغاورى / تصبحى على خير
مغاورى يبوس راسها تبعدها
ماجده / اغسل بقك الاول
مغاورى يشدها بغباوه
مغاورى / اللحوس براحتى انتى فاهمه و لا لا
ماجده / يلاهوى عليك خلعت رقبتى
مغاورى / دلعناكوا اتمرعتوا علينا
ماجده تبصله بطرف عينها يشد راسها تانى و يبوسها
مغاورى / حاطه جاز يا بت
ماجده / طب و ربنا ما راده عليك
ماجده تسيب المطبخ و تمشي مغاورى ينادى عليها
مغاورى/ خلاص يا بت بهزر… انتى يا جاموسه…طب مين هينضف البتاعه …. دى انتى يا بت … يا جزمه هههههههههههههههههه
…………………..
بعد يومين فى الكباريه
عباس قاعد مع اتنين صحابه
عباس / هو فاكر انه كدا بيلوى دراعى يروح يجيب محامى تانى يمسكله شغله و يطلعهم من كل مصيبه و التانيه … هم يعرفوا يروحوا و لا يجوا من غيرى … انا اللى ممشي الليله دى كلها انا
شاب ١ / ايوه بس الحكايه دى طولت
عباس / انا اللى مش عاوز ارجع … انا لو رجعت دلوقت هيفتكرها سهله و يكررها كل شويه
شاب ٢ / و هى هتخلص على كدا يا عباس
شاب ١ / والله انا بقول تقصر الشر و تراضي عمك ان ما كانش عشانه عشان خاطر العيال و امهم
شاب ٢ / والله عين العقل
عباس/ دا لا ممكن ابدا
شاب بعنين زرقه يدخل المكان لابس شيك جدا يروح يقعد على الترابيزه اللى جنب عباس و يشاور للمتر
شاب ١/ المكان ده شكله اتشهر انا اول مره اشوف الجدع ده هنا
شاب ٢ / و انت حفظت كل اللى بيجوا للمكان
شاب ١ / يا عم و لا حفظتهم و لا حاجه بس تقريبا الناس اللى بتيجي هى هياها كل مانبقي موجودين واحد يغيب المرادى يجي بعدها لكن تقريبا هم هم
عباس / على ما المكان اتشهر و سمع فى الحتت اللى حوالينا
شاب ١ / معاك بس الجدع ده مش من النواحيدى خالص
شاب ٢ / بس شكله مش غريب انا حاسس انى شوفته قبل كدا بس مش فاكر فين
عباس / هو احنا جايين نسهر و ننبسط و لا نتكلم عن الجدع ده
شاب ١ / يا عباس ما اقصدش بس شكله نضيف و متريش
عباس / بقولكوا ايه خليكوا انتوا اتكلموا عن الجدع ده و انا هاخد الحته الطريه دى و نتكلم فى موضوع تانى خالص اهم بكتير
عباس يقوم يشد البنت
شاب ١ / ربنا معاك يا رافع راسنا
عباس يضحك و ياخد البنت و ينزلوا تحت
…………………..
فى سرايا الزنايته
هند نايمه على السرير فى اوضتها و فى دكتور جنبها بيكشف بالسونار و مختار و الستات زاحمين الاوضه
انتصار / ها يا دكتور طمنا
الدكتور / انا للاسف مش شايف اى حاجه … الكيس فاضي
هند / يمكن الجهاز باظ من نقله لمصر لحد هنا
الدكتور / يعني الجهاز جايب الكيس و المبايض و المثانه و جه على البيبي و باظ يا مدام
مختار / المهم يا دكتور ايه الحل دلوقت
الدكتور / انا هكتبلها على حبوب اجهاض
هند / لا
الدكتور / لازم يا مدام الكيس ده لازم ينزل كل يوم تاخير هيخلى الموضوع اصعب
هند / نديله فرصه لاخر الشهر زى ما الدكتوره بتاعه المستشفي قالت نديله فرصه
الدكتور / انا بقولك يا مدام ما تحاوليش الموضوع منتهى
الدكتور يدى لمختار الروجته
هند / هى يعنى الدكتوره التانيه خريجه معهد صرف صحى ما هى دكتوره و بتفهم برده
الدكتور / انا قولت اللى عندى و انتوا احرار عن اذنكوا
مختار ياخد الدكتور بره و الممرضه تلم الحاجه
مختار / انا اسف جدا بس هى
الدكتور / انا مقدر حالتها جدا عدى عليا كتير زيها بس اللى حضرتك لازم تفهمه انها بتجازف بحياتها اوعى تفتكر ان السقوط دا حاجه سهله صدقنى الحمل و الولاده اسهل منه بكتير سواء نفسيا او حتى جسمانيا
مختار يبص الناحيه التانيه
الدكتور / العلاج معاك و اى حاجه كلمنى
مختار يطلع رزمتين فلوس و يديهم للدكتور
مختار / اللى حضرتك طلبته و اكتر و العربيه مستنيه حضرتك بره ترجعكوا مصر
الدكتور / الف سلامه
مختار يهز راسه الدكتور ينزل و الممرضه بتطلع الجهاز بره امين و شاب كمان يشيلوه ينزلوه مختار يدخل الاوضه تانى هند تبصله
هند / بقى دون عن كل دكاتره مصر مش لاقيلى الا الفاشل ده
مختار / بعد اذنكوا يا جماعه
الكل يطلع بره و هند باصه الناحيه التانيه و متعصبه مختار يوقف مريم و يديها الروجته تهز راسها و تمشى يقفل الباب و يروح يقعد جنب هند
هند / انا مش هنزله
مختار / و اخرتها يا هند هتعاندى لحد امتى
هند / مختار احنا اتفقنا اننا هندى لنفسنا فرصه شهر و الشهر لسه ما خلصش عشان خاطرى يا مختار عشان خاطرى
مختار / خلينا نشوف دكتور تالت و اللى يقوله هنسمع كلامه تمام
هند / لسه قدامى لاخر الشهر يا مختار لسه قدامى وقت
مختار / تمام هنجيب دكتور تالت و نتاكد بس اللى هيقوله هتنفذيه تمام
هند / ماشى
مختار / انا هروح الارض مش عاوز ارجع الاقيكي قافله على روحك الباب و لا اكل و لا شرب انزلى و اتعاملى عادى
هند / تمام
مختار يبوس راسها تحضنه يحضنها يبوس راسها تانى و يمشى و يقفل الباب وراه و ينزل يقابل عباده داخل السرايا
عباده / ايه الاخبار
مختار يهز راسه لا عباده يبص الناحيه التانيه
عباده / رشيد وصل و بدا الشغل
مختار / عارف
عباده / الكبير لا طايقنى و لا طايقك و لا طايقه
مختار / من امتى كان بيطيقه اصلا
عباده / بس الكبير معاه حق احنا دافعين فلوس لرشيد عشان
مختار / كل شئ مباح فى الحرب يا عباده
عباده / انت مقتنع باللى انت بتقوله
مختار يتعصب
مختار / اعمل ايه يعنى عاوزنى اعمل ايه و انا اعمله
عباده / و لا حاجه حقك عليا وقت تانى
مختار يبص الناحيه التانيه عباده يمشى مختار يزق كرسى يقلبه قدامه انتصار تطلع من المطبخ تبص عليه مختار يتنهد و يعدل الكرسى و يمشى انتصار تتنهد و تبص فى الارض
انتصار / سماح .. بت يا سماح
……………………..
فى فيلا فيرا
فيرا نايمه جنب واحد بدى بيلدينج تقوم تلف نفسها بالملايه و تدخل الحمام و هو يولع سجاره و يشربها
الشاب / سو يو نيد هم اللايف ( انتى عوزاه عايش )
فيرا من جوه / فور ناو ( لحد دلوقت ) هى ديدنت سفرد ايناف ( معاناش كفايا )
الشاب / تيل مى مور ابوت هيم
فيرا من جوه / سمون يو ود ليك تو كيل ( شخص هتحب تقتله )
الشاب يبتسم فيرا تبص من الباب
فيرا / يو هافنت سى هيز وايف ( ما شوفتش مراته )
فيرا تدخل جوه و ترجع تبصله تانى
فيرا / اى نيد هاير اللايف تو ( عوزاها عايشه هى كمان )
الشاب يشاورلها بزهق تبتسم و تدخل الحمام
الشاب / وات ابوت ذا ازور جاى ( و بالنسبه للراجل التانى )
صوت الدوش يشتغل الشاب ينفخ و يقوم يقف و فيرا بتستحمى جوه فى الكبينه مش باين منها غير راسها
الشاب / وات ابوت ذا ازور جاى ( و بالنسبه للراجل التانى )
فيرا / يو كان كيل زيم اول … ات ذا تايم اوفكورس ( تقدر تقتلهم كلهم … فى وقته طبعا )
الشاب / اى دونت لايك ايت ( مش عاجبنى )
فيرا تبصله و تبتسم
فيرا / دونت ورى اى هاف اكول جيفت فور يو ( ما تقلقش انا عندى هديه حلوه عشانك )
الشاب يبتسم بسخف
فيرا / هى هاز ابيوتيفل نيس ( له بنت اخ جميله ) شى اذ يورز ( بتاعتك )
الشاب / وات ايفر ( اى يكن )
الشاب يطلع بره فيرا تطلع تلبس و تلف شعرها بالفوطه و تتطلعله
فيرا / دوت ورى اى ول ليت يو كيل هيم ايفنتشوالى ( ما تقلقش هسيبك تقتله فى النهايه )
الشاب يهز راسه تلف ايديها حوالين رقبته و تبوسه من خده
فيرا / ويلكم تو ايجبت ماى لوف ( اهلا بيك فى مصر يا حوبى )
الشاب يبتسم و يبوس ايدها و يقوم يدخل الحمام تقعد على التسريحه و تفك الفوطه و تسرح شعرها
………………………..
فى الكباريه
الشاب ابو عيون زرقه نايم فى الاوضه مع بنت تليفونه يرن يلف و يجيبه و يرد
الشاب / حبيبى
صوت راجل / السلاح وصل
الشاب / هستلم امتى
الراجل / بكره بالليل
الشاب / فلوسك جاهزه المهم السلاح يبقى حاجه نضيفه
البنت تمشى بصوابعها على صدر الشاب يشاورلها تسكت تبتسم
الشاب / ابعتلى اللوكايشن عشان مش فاضى دلوقت
الشاب يزغزغها تضحك يشاورلها تسكت
الشاب / سلام
الشاب يقفل و يشد البت فى حضنه تانى
الشاب / بقى مش قادره تصبرى اما اقفل مع الراجل يقول عنى ايه دلوقت
البنت / يانى بونيما ( مش فاهمه )
الشاب / والله احسن بلا وجع قلب
الشاب يزغزغها بمناخيره فى رقبتها تضحك
…………………………….
فى اوضه هند
هند فاتحه الشباك و باصه منه باب الاوضه يتفتح و مختار يدخل فى ايده كيس صغير هند تبصله و تبتسم مختار يروح يحضنها من ضهرها
مختار / كنت فاكر هطلع الاقيكي نايمه
هند / حاولت اسمع كلامك و اتعامل عادى … ما قدرتش
مختار / لا يكلف الله نفسا الا وسعها كفايا انك حاولتى
هند / انا مش هقدر انزل البيبى ده
مختار / احنا اتكلمنا فى الموضوع
هند / امال ايه اللى انت جايبه فى ايدك ده
مختار / اهو هنا تحسبا يعنى
هند / انت مش عاوز تدينى فرصه دا ابنك على فكره
مختار / انتى عندى اهم انتى عندى اهم من الدنيا كلها حتى لو كان سليم و زى الفل و قالولى هيبقى فيه خطر على حياتك كنت هختارك انتى
هند / يا سلام
مختار / ربنا شاهد على كلامى انتى ما كنتيش هتختارينى انا و لا ايه يا بت دا انا اروح فيكي فى داهيه بقى بعد كل اللى عملته عشانك تحبى عليا حته عيل زى ده
هند / دا ابننا على فكره
مختار / ولو ما اسمحش
هند / شكلك فايق ورايق
مختار / و ما فوقش ليه روحت بيتى بعد يوم شغل كله تعب لقيت مراتى حبيبتى مستنيانى فى الشباك و لبسالى جلبيه عاديه جدا بس حلوه عليها برده ما روقش ليه و ما فوقش ليه
هند / عشان انا تعبانه
مختار / و انا جبت العلاج معايا
هند / ده مش علاجى انا علاجى فى العيل ده انا علاجى ان الحمل يكمل
مختار / اللى رزقنا بيه قادر يرزقنا بغيره اتفقنا على ايه ؟ اتفقنا نصبر و نرضى صح ؟
هند / و اتفقنا كمان اننا نستنى لاخر الشهر و اتفقنا اننا نجيب دكتور تالت
مختار / تمام و انا عند كلمتى العلاج هنا فى الدرج
مختار يحط الكيس فى الدرج و يقفل عليه
مختار / تمام كدا
هند / انت بتاخدنى على قد عقلى
مختار / هند … لو فاكره ان اللى فيكي ده بيوجعك لوحدك فلازم تفهمى انه بيوجعنى اكتر فكره انك ممكن يجرالك حاجه او فكره انك متعلقه اوى كدا بحاجه مش هتحصل و مش هقدر احققهالك تعبانى زى ما الوضع ده تاعبك بالظبط فكره انك ممكن تروحى منى هى اكتر حاجه مرعبه حسيتها فى حياتى
هند / جدر و هيتمدلك فى الارض فاكر مش دا كلامك
مختار / لازم يبقى جدر صلب و قوى عشان يقدر يشيل اسمى عشان يقدر يسندك لما تكبرى يا هند و بعدين يا هند ربنا ما بيتعاندش لو ربنا كاتبله يكمل هيكمل و ان ربنا كاتبله ما يكملش مش هيكمل مهما عملتى
هند / صح يبقى مش هاخد الحبوب دى و ربنا لو رايدله ما يكملش هينزل لوحده
مختار / و ساعتها يا هند ايه اللى هيجرالك يا هند ربنا قال و لا تلقوا بايديكم الى التهلكه … هند هند خلينا ناجل الكلام فى الموضوع ده لبعدين ممكن
هند / ياريت
هند تدى لمختار ضهرها و تبص من الشباك مختار يتنهد و يروح يحضنها من ضهرها
مختار / انا راجع تعبان ممكن لو سمحتى تفكى البوز ده
هند تبصله يبتسم و ياخدها قدام المرايه
مختار / شايفه شكلك وحش ازاى و انتى مكشره
هند تبصله يلف وشها للمرايه تنفخ و تروح تنام فى السرير يروح يقفل الشباك و يروح ينام جنبها و ياخدها فى حضنه تزق ايده و تقوم تدخل الحمام و تقفل الباب بالمفتاح ينفخ
مختار / يا الله يا ولى الصابرين
……………………….
فى الكباريه
الشاب نايم البنت تقوم من جنبه و تفتح موبايله بالبصمه تبص على الشاب و تحط الموبايل جنب صباعه بالظبط و تلمسهم لحد ما يفتح و تبص فى الرسايل صور اسلحه و صواريخ و لوكايشن تمسك موبايلها و تصور كل الحاجات دى و تقفل الموبايل و ترجعه مكانه و تروح الحمام و الشاب نايم
……………………
فى سرايا الزنايته
الرجاله متجمعه حوالين المكتب
عباده / الطمع قل ما جمع يا مختار و دى مجازفه كبيره
ناصر / و انا كمان مع عباده
شاكر / و انا كمان
مختار / يعنى كلكوا بقيتوا جوبنا دلوقت
ناصر / مختار
مختار / اعملوا اللى يريحكوا انا طالع ارتاح
ناصر / احسن برده
مختار يطلع بره و يرزع الباب وراه
شاكر / المفروض يتعلم يفصل بين حياته و بين الشغل و بعدين هو مش خلاص ساب تجاره السلاح حاشر نفسه بالشكل ده و يا نمشى كلامه يا يتقمص ليه ان شاء الله
ناصر / خلاص يا عمى مش وقته الكلام ده
شاكر / اتكلم معاه يا ناصر احنا مش عيال صغيرين يشتمنا و يعمل مقموص لا لو على قلب الترابيزه انا سيد من يدغدغها
ناصر / حقك عليا يا عمى معاك حق
شاكر / انا مش هجازف بملايين يا صابت يا خابت و بعدين دى سكه جديده نجرب فى حاجه صغيره و نشوف الدنيا هتمشى ازاى
ناصر / و انا كمان شايف كدا … كلم الناس يا عباده خليهم يبداو يحولوا الحاجه
عباده يهز راسه و يطلع بره
ناصر / ما تزعلش يا عمى و اعزره و انا متاكد انه لما هيهدى شويه هيجي من نفسه و يعتزرلك
شاكر / و لا ما يعتزر مش فارقه انا طالع انام انا كمان
ناصر / تمام يا عمى تصبح عى خير
شاكر يمشى و ناصر يتنهد و يبص فى الارض و هو بيهز راسه
………………………
فى الكباريه
الشاب يصحى يلاقى البنت نايمه جنبه يبص عليها و يبص فى موبايله على الساعه يقوم و يبدا يلبس هدومه البنت تصحى تنام على جنبها
البنت / كودا ؟ ( على فين ؟)
الشاب / كفايا عليكي كدا
البنت / تى مينيا بونيماش ؟ ( انت فاهمنى ؟)
الشاب / عقبال امالتك انا لفيت الدنيا دى من شرقها لغربها فوقيها لتحتها
البنت / يانى بونيما ( مش فاهمه )
الشاب / ما قولنا كدا احسن و ياريتنى انا كمان ما كنت فاهمك اصلى ما بحبش الرغى الكتير بحب الفعل بس
البنت تبتسم / يانى بونيما ( مش فاهمه )
الشاب / انا مش هعرف اجى بكره عشان ورايا شغل مهم بس هجيلك بعده
البنت تتنهد و تهز راسها لا و تنام على ضهرها الشاب يطلع من جيبه دولارات و يديهالها
الشاب / بيتهيالى دى لغه كل الناس بتفهمها حقك و زياده اصل انا زى ما انا صاحب مزاج انا حقانى
البنت تاخد الفلوس و تقوم تقعد و تعدها و هى مبسوطه
الشاب / كنت متاكد
الشاب يمشى و يقفل الباب وراه و يمشى يطلع بره الكباريه و يتمشى و هو حاطت ايده فى جيبه و فى حد ماشى وراه و هو مش واخد باله
……………………….
تانى يوم بالليل على الطريق السريع
كونتاينر كبير ماشيه تلاقى كمين على الطريق تقف الظابط يروح ناحيه السواق
الظابط / انزلى و هات ورقك
السواق ينزل هو و التباع و معاه ورق يديه للظابط
الظابط / افتحلى العربيه دى اما نشوف اللى فيها
السواق و التباع يروحوا يفتحوا العربيه من ورا مليانه كراتين و صنديق
الظابط / نزلولى الحاجات دى اما اشوف فيها ايه
السواق / زى ما مكتوب مع حضرتك لعب اطفال
الظابط / انت هتستعبط ياله … نزلولى كل الكراتين دى و اقلبولى العربيه دى فوقانى تحتانى
العساكر ينزلوا الكراتين و يطلعوا يفتشوا العربيه و السواق و التباع واقفين عادى الظابط يطلع يبص فى الكراتين و يفتحها كلها لعب اطفال و دباديب و عرايس
السواق / يا باشا قولتلك ما عناش اى حاجه
الظابط ينزل و يبص للسواق
الظابط / لم حاجتك و اختفى من وشى
السواق يبص للتباع و يلموا الحاجات بسرعه و يعبوها فى العربيه بسرعه و يقفلوها و يمشوا الظابط يمسك التليفون
الظابط / دى رابع عربيه افتشها و تطلع فاضيه … فاضيه يعنى فاضيه محمله لعب اطفال … على الله
الظابط يروح يقعد على كرسى و يكمل شرب شاى
……………………..
فى مخزن كبير
التريلا تدخل و رجاله كتير تتلم حواليها و يبداو ينزلوا الصناديق و يفتحوها و يطلعوا الدباديب و يقطعوها بالسكاكين و يفضوا القطن اللى فيها و يطلعوا كيس مليان رصاص و يلموهم فى كرتونه و يبصوا لبعض و يضحكوا و يطلعوا العربيه و يفكوا مسامير كبيره متركبه فى جدران العربيه و ينزلوا الصاج تحت متعلق تحتيه على الحيطان الاصليه للعربيه رشاشات و ار بى جاى و مسدسات يفكوها و يعبوها فى صناديق و بعدين يفكوا ضهر العربيه اللى جوه خالص فى صفين صناديق لحد السقف ينزلوهم و يفتحوا واحد منهم مليان قنابل يقفلوه و يفتحوا التانى فيه رشاشات اليه و اسلحه تانيه
شاب / انا تعبت شيلوا انتوا الارضيه بسرعه قبل التريلا التانيه ما تيجى
الشاب يروح يفتح باب فى الجنب يدخل اوضه كبيره قاعد فيها رجاله كتير منهم عباده و امين بيركبوا اسلحه على بعض
الشاب / انا هاخد اجازه اسبوع بحاله بعد الفحته دى
امين / يادوب تصرف فيهم اللى هتقبضه من النهرده
عباده / عيب عليك يا امين بقى هتصرف الفلوس دى كلها فى اسبوع واحد دا حتى ربنا يحاسبك على التبزير ده
الشاب / حقكوا حقكوا
عباده / ههههههههههههههههههههه علقلنا على شاى و انت واقف
الشاب / عنيا يا عوبد
…………………………..
فوق سطح سرايا الزنايته
مختار واقف هند تدخل لفه شال حواليها تروح تقف جنبه
هند / المنظر من هنا جميل اوى
مختار / وصلتى للمخبا السرى بسرعه
هند / ليا عيون فى كل حته
مختار / هنبقى نشوف الموضوع ده مع مريم بعدين
هند / مامتها الحقيقه
مختار / لا ما دام ام فاتن يبقى تعمل اللى هى عوزاه
هند / ما كنتش عاوزنى اعرف انك لما بتبقى مضايق او شايل الهم بتطلع تقف هنا
مختار / مش حوار مضايق و لا
هند / انا ممكن انزل و اسيبك عادى انا بس
مختار / لا ابدا ما اقصدش خليكي
هند / الجو بدا يسقع … ايه اللى موقفك هنا لوحدك ؟
مختار / زهقان عادى … تعالى ننزل تحت
هند / فى حاجه بتحصل النهرده مش كدا
مختار / حاجه!! حاجه ايه دى ؟
هند / ما اعرفش بالظبط بس حاجه تخص تجاره العيله انت فاهم قصدى انت عارف ايه اللى بيحصل ما تستعبطش
مختار / ما استعبطش !!
هند / انت علاطول بتعمل كدا بتعمل مش عارف بتكلم عن ايه او بتغير الموضوع بمنتهى البراعه و تلاقى حجه و تخلع انت فاكرنى مش بفهمك فاكرنى هبله لكن الحقيقه انا فاهمه كل حاجه بفهم كل حاجه بتحصل فى البيت هنا
هند تبص لمختار تلاقيه مبتسم
هند / النهرده معظم الرجاله مش موجودين خصوصا الشباب مش موجودين من بدرى بقالكوا كام يوم بتقفلوا عليكوا باب المكتب فترات طويله بتتودودوا طول الوقت فى حاجه بتحصل بقالها فتره على فكره انا واخده بالى
مختار / معظم الرجاله مش موجوده لكن انا معاكى هنا زى ما طلبتى صح و لا لا
هند / بجسمك بس و حتى ده هنا على السطح و انا لوحدى تحت
مختار / معاكى حق بس انا الفتره دى مش مركز
هند / على فكره هم مش محتاجينك تقلق عليهم انا محتاجاك تبقى جنبى على فكره انا مش هشحتك
مختار / هى دى هرمونات ؟
هند / لو سمحت انا بتكلم جد
مختار يحضنها هند تتفاجئ
مختار / انتى قولتى لما تلاقينى بدور على مشاكل احضنك انا بحضنك اهو شغال و لا لا
مختار يحضنها اكتر ما تقدرش تمسك نفسها و تضحك و مختار متابعها
مختار / اشتغل اهو الحمد لله
هند تبصله
هند / مش قولتلك بتغير الموضوع ببراعه
مختار / حقك عليا انا غلطان انتى اولى بوقتى و تفكيرى اوعدك انى هاخد بالى بعد كدا
هند / انت بتوافقنى عشان
مختار / عشان قريت مره مش فاكر مين الراجل اللى بيوافق على كلام مراته بيعيش حياه سعيده اطول
هند تبتسم و تبص الناحيه التانيه
مختار / هو الحقيقه انا فى جزئيه مش فاهمها هو بيعيش حياه اطول بمعنى انه بيعيش عمر اطول و لا المقصود انه الجزء الاطول من حياته سعيد
هند / الاتنين واحد
مختار / تفتكرى
هند / بيتهيالى … شوفت انت بتغير الموضوع ببراعه تانى
مختار / فنان هنعمل ايه موهبه
مختار يبتسم هند تبتسم
هند / يلا ننزل عشان بردت
مختار / اتفضلى
هند تنزل و مختار ينزل وراها
هند / مسيرى فى مره ازنقك على فكره
مختار / دا هيبقى من دواعى سرورى بس نقى المكان المناسب
هند تبصله يغمزلها تفتح بقها
…………………..
بعد كام يوم فى شقه مفروشه حضانه
المكان مليانه اطفال و مدرسات و مشغلين اغانى اطفال و بلالين و زينه هند و مريم و انتصار و فاطمه و باقي الستات يدخلوا يحضنوا شيرى و يسلموا عليها
انتصار / الف مليون مبروك
شيري / الله يبارك فيكي
فاطمه / بسم الله ما شاء الله المكان بيشغى عيال من اول يوم
شيري / والله انا شخصيا اتفاجئت
انتصار / ان شاء الله بالتوفيق و تبقي احسن حضانه فى البلد
فاطمه / مفيش غيرها فى البلد اصلا
انتصار تزغد فاطمه فاطمه تبرقلها
شيري / ههههههههههه دا من بختى المهم تشربوا ايه
انتصار / مره تانيه مش عاوزين نلخمك احنا قولنا نعدى نسلم و نبارك … لو عوزتى اى حاجه
شيري/ ما اتحرمش … عامله ايه يا قلبي
هند / كويسه الحمد لله
فاطمه / احنا رايحين الوحده قولنا نعيد الكشف لعل و عسي
شيري / ان شاء الله خير … بس ليه هو مش فى دكتور تانى جاى من مصر بكره
انتصار / اهو نطمن يمكن ما نحتاجلوش
شيري / و ايه اللى ممكن يتغير من النهرده لبكره
فاطمه / قولت كدا و الله ما حدش سمعنى
انتصار / يا ستى انتى خسرانه ايه اهى تهدى وتطمن عشان بكره اى كان كلام الدكتور
هند / ان شاء الله هنتصل بيه و نقوله ما تجيش الحمد لله تمام انا مش فاهمه انتوا ليه كدا بجد انا تعبت
هند تسيبهم و تمشي
شيري / اعذروها هى
إنتصار/ ما تشغليش بالك انا فهماها و مقدره نسيبك بقي تركزى فى شغلك
فاطمه / الف مبروك تانى
مريم / مبروك
شيري / الله يبارك فيكوا … حبيبتي
مريم تبتسم و الكل يمشي و شيري تتابع الاولاد بيرقصوا و المدرسات بيلعبوهم
………………………
فى عربيه مختار
مختار سايق و هند باصه من الشباك و ضاربه بوز و فاتن و انتصار و مريم راكبين ورا بيبصوا لبعض و يبصوا لمختار فى المرايه
انتصار / الحمد لله ان فاطمه و باقي الجماعه روحوا على الاقل يبقي فى حد يعملنا الغدى
فاتن / ما اعرفش ليه نفسي هفانى على ممبار
مختار / تصدقى و انا و لا شوربه كوارع كدا
فاتن / اه والله يا مختار
انتصار / ما تعشموش روحكوا الغدى النهرده سمك مقلى و رز و سلطه انا متبله السمك و منضفاه من امبارح … بس ما تشيلوش هم بكره اعملكوا الممبار و الكوارع بتاعتكوا دى
مريم / عبد الله بيحب الحاجات دى اوى
انتصار / نعزمه هو و اهله
هند / ما افتكرش ماما هينفع تيجي اكيد هتبقي مشغوله فى الحضانه
مختار / و هى الحضانه دى مفتوحه طول اليوم تخلص شغلها و تقفلها و تيجي تتغدى معانا بدل ما لسه هتروح تعمل اكل
عربيتين جيب سايقين بسرعه يعدوا من جنب مختار و يكسروا عليه مختار يفرمل بسرعه يعدوه و يفرملوا ينزل منها صاحب فيرا مختار ينزل
الشاب / ايام سو سورى ار يو اوكاى ؟ ( انا اسف جدا انت كويس )
مختار / هو ار يو اند وات يو ار دوينج هير ؟ ( انت مين و بتعمل ايه هنا )
الشاب يبص على هند
الشاب / شي لوكس بريتي واريد ( شكلها قلقانه اوى )
مختار يمسكه من وشه و يجبره يبصله
مختار / كيب يور ايز وير زى شود بى ( خلى عنيك فى مكانها )
الشاب يفك ايد مختار
الشاب / ذا مسلمز اسبيشيالى ذا ايجيبشيان ار نون اوف زاير جينروستى اند زاير هوسبيتاليتي فور زاير جيستس ( المسلمين و خصوصا المصرين مشهورين بكرمهم و حسن ضيافتهم لضيوفهم )
عربيات تظهر من كل حته و ينزل منها رجاله تبع مختار
راجل / فى حاجه هنا يا ابن عمى
مختار / تسلم يا ابن عمى
الشاب / اى هيرد ذات يو هاف سوم كايند اوف جايمز هوير يو نو …( سمعت ان عندكوا لعبه فيها انت عارف )
الشاب يضرب بايديه كانه بيلعب بوكس كام ضربه بسرعه
الشاب / فور ذا كونترى بيبول اونلى بت وى كان ماك يو ان اكسيبشن هوير وى كان شو يو اور جرايت هوسبيتاليتي اند ريل جينورستي تواردس اور استرانج فيزيتورز ( لاهل البلد فقط بس هنعتبرك استثناء عشان تشوف كرمنا و حسن ضيافتنا مع الاغراب )
الشاب يضحك و يتحمس
الشاب / ذات ايز سومثينج يو كود داى فور ( دى حاجه ممكن تموت عشانها )
مختار يبتسم و يروح يركب العربيه و الشاب واقف قدامها عينه على مختار
هند / مين ده
مختار / سايح
فاتن / و هو ساب الدنيا و جاى يسيح فى بلدنا
مختار / بلدنا حلوه يا فاتن حلوه لدرجه ان كل الناس بقت تحط عينها عليها
هند / هو هيفضل واقف يبصلنا كتير
مختار يشاورله يوسع الراجل يضحك و يشاور لمختار بايده و يوسع مختار يمشى و مريم عينها عليه
مريم / انا مش مرتاحه للراجل ده
مختار / ما لناش دعوه خلونا نلحق الدكتوره قبل ما تمشي
فاتن / ما تقلقش انا مكلماها و معرفاها انى جايه هتستنانا
مختار يهز راسه و يكمل سواقه
………………….
فى السرايا
عباده و الرجاله كل واحد ماسك سلاح و بيعمره ناصر يدخل يتكلم بحزم
ناصر / على فين العزم ان شاء الله
عباده/ يعني ما سمعتش اللى حصل يا كبير
ناصر / سمعت و كلمت مختار و اطمنت عليه و على اللى معاه الحمد لله كلهم بخير
عباده / احنا ممكن نسامح و نسكت على اى حاجه يا كبير لكن الحريم لا
ناصر / و انت هتخاف على اهل بيتي اكتر منى و لا ايه اللى كانوا فى العربيه مع مختار مراتى و بناتى و انا اولى بالخوف عليهم
عباده / يعني هتسكت
ناصر/ هنرد بس مش دلوقت هنرد صح فى الوقت الصح و المكان الصح
عباده / و دا هيجي امتى
ناصر / لما الكبير يقول و الكبير هو انا و لا انت ليك راى تانى
عباده يبص فى الارض و يكتم جواه
ناصر / لما يغلطوا هم عرفونا انهم هنا اهلا و سهلا ضيوف بادبهم نشيلهم على الراس
عباده / أدبهم !!!
ناصر يرفع حاجبه عباده يبص فى الارض و يكتم جواه
ناصر / خد الرجاله و العربيات و امنوا الحريم فى الراجعه و كتر ورديات الحراسه فى البلد و بلغ الجوارحه باللى حصل
عباده / وصلهم من غير ما تقول يا كبير
ناصر / و كان ردهم ايه
عباده يبص الناحيه التانيه و يتنهد ناصر يهز راسه و يمشي عباده يشاور للرجاله يروحوا يركبوا العربيات و يمشوا
………………………
فى فيلا فيرا
الظابط اللى كان فى الكمين لابس مدنى و بيتكلم و فيرا بصاله و ساكته
الظابط / احنا لسه شايلين الكمين دلوقت احنا ما سبناش عربيه نقل الا اما فتشناها حته حته احنى حتى فى الاخر بقينا بنفتش العربيات الملاكى مفيش حاجه
صاحب فيرا يفتح الباب و يدخل فيرا تقوم توشوشه و تطلع بره و تقفل الباب و الظابط واقف بيبص عليهم الشاب يبتسم و يروح يفتح دولاب فى جنب و يطلع حبل الظابط يبلع ريقه الشاب يبصله
الشاب / تاك اسيت ماك يور سيلف كومفرتوبال ( اقعد و ارتاح )
الظابط يقعد الشاب يروح يعلق الحبل فى جنش فى السقف و يروح يعدى البكره من حلقه فى الحيطه و الظابط متابع
الشاب / يو لوك ثيرستى وات ابوت هافينج ادرينك مان تو مان ( شكلك عطشان ايه رايك نشروب حاجه رجاله مع بعض )
الظابط يبتسم و الشاب يروح يصب كاسين و الظابط متابعه الشاب ياخد الكاسين و يروح يقعد جنبه و يديله الكاس و يشربوا
الشاب / دونت تاك مى رونج … اى ليك يو ..بت اى هاف ذات ليتل تايني بروبلم ويذ فايليور .. ايت ماكس مى فيل انجرى ( ما تفهمنيش غلط انا بحبك بس انا عندى مشكله صغيره جدا مع الفشل بيعصبنى )
الظابط / ايت وازنت ماى فولت ( ما كانتش غلطتى )
الشاب / نو نو نو جاست ماك مى فينش … انفورتشينيتلى ذا اونلى ثينج ذات ورك ويز ذات ديب ديب انجر ايذ ريد ( لا لا لا سبنى اكمل .. للاسف الحاجه الوحيده اللى بتقدر على الغضب الكبير ده هى الاحمر )
الشاب يغمز للظابط الظابط يضحك و الشاب يضحك و يصبلهم تانى
الشاب / دارك ريد اف يو نو وات ار مين ( الاحمر الغامق لو انت فاهمنى )
الظابط يشرب فجاه الشاب يمد ايده و ياخد مشرط من جنبه و يعور الظابط فى رقبته الكاسه تقع من ايد الظابط و يقوم يقف و هو مفزوع و ماسك رقبته و من خضته مش عارف يقف
الشاب / ات ايذ جاست اسكراتش ات وانت كيل يو ( دى مجرد خربوش مش هتقتلك )
الظابط يحاول يخرج من المكان يلاقي الباب مقفول الظابط يشخط في الشاب
الظابط / اوبن ذات دور ناو ( افتح الباب ده حالا )
الشاب يقوم يقف و يروح ناحيه الظابط و يحط المفتاح فى الباب و يفتحه الظابط يجي يمشي الشاب يشده من ايده و يفاجئه ببوكس فى وشه الظابط يقع فى الارض و قبل ما يقوم الشاب يشده من رجله يحدفه تحت الحبل الظابط يحاول يقوم الشاب يلحقه برجل فى بطنه و يلف الحبل على رجله و يربط الظابط يضربه بالرجل فى جنبه الشاب و لا كانه انضرب و مكمل الظابط يحاول يفلت و يضرب كتير مفيش اى احساس الشاب يسيبه و يروح ناحيه الحلقه اللى فى الحيطه الظابط يقوم بسرعه و يحاول يجرى ناحيه الباب الشاب يشد الحبل الظابط يقع الشاب يكمل شد لحد ما الظابط يبقي متعلق من رجله الشاب يروح يقعد و يمسك الكاس
الظابط / انت مجنون ار يو كرايزى ليت مى داون ( فكنى )
الشاب / از اى واز ساينج زى سكراتش وانت كيل يو بت زيز بوزيشن ويل مايك ذا بلود جوز فور يور هيد اند از يو كان سي يو ول بليد تو ديث دونت وارى ايت وانت تاك ماتش لونج تايم جاست ثيرتى مينتس بليف مي ايف اى واز يو اى ود بريفير اسبيندينج ذات لاست هاف اور ان اى لايف ثينكينج ابوت وات ديد اى ماك رونج ان ماى لايف ذات بوت مى هى ان ذات سيتوايشت اند اسك جود فور فورجيفنيس يو بيليف ان جاد دونت يو ( زى ما كنت بقول الخدش مش هيقتلك بس الوضع ده هيخلى الدم يروح ناحيه دماغك و هتنزف لحد ما تموت ما تقلقش مش هتطول تلاتين دقيقه بس صدقني لو كنت مكانك كنت هستغل النص ساعه الاخيره دى بفكر فى الغبلط اللى عملته فى حياتى حطنى فى المكان ده و هطلب من ربنا السماح انت بتؤمن بربنا صح )
الظابط / يو ار كريزى سون اوف ابيتش ( انت مجنون ابن عاهره )
الشاب / وى ال ويل داى ون داى بت يو ار لكى تو هاف ذوي ثيرتى مينتس تو ثينك سو بى ستيوبيد اند وايستينج ايت كيرسينج جاد ونت لايك ايت اى كان تيل يو ذات ( كلنا هنموت بس انت محظوظ ان عندك تلاتين دقيقه عشان تفكر فمتبقاش غلى و تضيعهم فى الشتيمه ربنا هيزعل انا بقولك )
الظابط يبصله و يفضل يطوح نفسه عشان يفك رجله
الشاب / يو اى ويستينج يور تايم مان ( انت بتضيع وقتك يا رجل )
الظابط يكمل الشاب يهز راسه باسف و يقوم يطلع بره و يقفل الباب و يطلع فوق يلاقي فيرا قاعده مستنياه فى السرير و متغطيه بالغطا
فيرا / يو توك اللونج تايم داون زاير ( اتاخرت هناك )
الشاب / هواى دونت يو ليت مى انجوى مى سيلف هير ( ليه مش بتسبيني استمتع هنا )
فيرا / يو ويل انجوى دونت ورى ( هتستمتع ما تقلقش )
فيرا تغمزله يبتسم و يروح ينام جنبها
……………………
فى المستشفي
هند بتعدل هدومها و هى زعلانه
الدكتوره / انا هكتبلك على دوا تاخديه
مختار / دوا الاجهاض معانا
الدكتوره تبصله و تبص لهند بتعيط فى صمت
انتصار / هو ممكن حاجه تتغير يعني فى امل
الدكتوره / انا اسفه جدا بس
هند تسيب العياده و تطلع بره الكل يجرى وراها هند توصل للعربيه تحاول تفتح الباب ما بيفتحش تحاول بقوه فجاه صوت اللوك و الباب يتفتح معاها و مختار يروح يركب
مختار / لسه فى دكتور بكره يعني
هند / روحنى .. ارجوك روحنى
الكل يركب العربيه و مختار يسوق و هند بتبص من الشباك و تحاول تكتم دموعها
انتصار / ان شاء الله
هند / لو سمحتوا
انتصار تسكت
هند / روحنى يا مختار لو سمحت
مختار / انا سايق اهو
هند تهز راسها و تبص الناحيه التانيه
……………………
فى السرايا
راجل واقف قدام ناصر فى المكتب
الراجل / احنا سبنا اتنين رجاله يراقبوا الفيلا
ناصر يشاورله يمشي و يتنهد الراجل يمشي و عباده يدخل
عباده / صدقتني صدقتني دلوقت لما قولت
ناصر / مش وقته مش وقته خالص يا عباده
عباده / امال امتى هيجي وقته يا كبير
عيل يدخل يجرى
العيل / عمى مختار جه عمى مختار جه يا كبير
ناصر / فهمت ليه مش وقته و لا اشرحلك يا عباده
عباده يبص فى الارض و يكتم جواه ناصر يطلع بره يقابل هند داخله بتجرى على فوق و وراها الكل يدخل
ناصر / باين من دخلتها ان مفيش جديد
مختار / انا طالعلها
ناصر / خليك جنبها احسن و احنا هنبعتلكوا اكلكوا فوق
مختار يطلع ناصر يبص لانتصار
انتصار / مفيش فايده مختار هيقنعها تاخد الحبوب
عباده / طول الوقت ده و هى لسه بتعشم نفسها
انتصار/ الضنا غالى يا عباده
عباده / الله جاب الله خد مفيش فى ايدينا حاجه
فاطمه تدخل
فاطمه / ايه الاخبار
انتصار تهز راسها بحزن
فاطمه / و انتى يا فاتن
فاتن / كويسه الحمد لله كلو تمام
فاطمه / الاكل جاهز احطلكوا تاكلوا
انتصار/ حطى و ياريت يا مريم تطلعى الاكل لعمك
مريم / حاضر يا امى
مريم تدخل المطبخ
فاطمه / كلمى امها خليها تيجي تقعد معاها هى محتاجاها
انتصار تهز راسها اه و تمشي
فاتن / قالولك اللى حصل يا ابا
ناصر يطبطب على كتف فاتن و هو مبتسم
ناصر / روحى ارتاحى و لما الغدى يجهز هخليهم ينادوكى
فاتن تبتسم و تمشي
فاطمه / هو ايه اللى حصل يا كبير
ناصر / انا جعان يا ام عباده بعد الاكل نتكلم ممكن
فاطمه / عيني يا خويا حالا احط الاكل
فاطمه تمشي
عباده / هنعمل ايه يا كبير
ناصر / والله ما انا عارف يا عباده عقلى فى البت اللى فوق دى بس على كل حال خلي الرجاله كلها تصحي و تركز و ابعت هات حبايبنا اللى حوالينا احنا اولى بيهم دلوقت من اى بلد تانيه عاوز البلد صاحيه اربعه و عشرين ساعه
عباده / اعتبره حصل يا كبير
عباده يمشي و ناصر واقف لوحده و بيفكر
…………………
فى اوضه هند
مختار ماسك شريط الحبوب فى ايده
مختار / وقت ما تبقي جاهزه
هند بتعيط و باصه فى الارض
مختار / اذا اردت شيئا بشده يا هند
هند / مش قادره
مختار / ربنا هيعوضنا ربنا كاتبلنا حاجه احسن بكتير
هند / طب نستني لبكره
مختار / انتى اللى قولتى تروحى مع فاتن تطمنى انتى اللى ما استنتيش ايه اللى هيتغير لحد بكره
هند / انا واثقه فى رحمه ربنا
مختار / ما حدش يعرف حكمه ربنا فى اللى حصل بس لازم تبقي واثقه انه خير و يا عالم يمكن كان يجي و يبقي ابن عاق و لا بلاء لينا يمكن اللى بيحصل دلوقت رحمه من ربنا زاح عنا بيها بلاء تانى كبير ما كناش نعرف عنه حاجه انا واثق من ده
هند تبصله
مختار / انا بحبك يا هند بحبك اكتر من اى حاجه و مش قادر اشوفك بتاذى روحك عشانى لو بتحبيني يا هند خدى العلاج
هند / مختار
مختار / بالله عليكي يا شيخه بصي انا هفضل جنبك لحد ما تقومى بالسلامه مش هتنقل من هنا هفضل ماسك ايدك لحد ما تقومى بالسلامه
هند / مختار
مختار / نخليه بعد الغدى انتى ما فطرتيش كويس تستني تاكلى الاول و بعدين تاخديه
هند / انا
مختار / طول ما انتى بخير يا هند انا بخير بالله عليكي يا شيخه ما تاذى روحك بالله عليكي تاخدى العلاج
هند / مش هتسيبني ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
تعليق واحد